At hava eitt Mastercard við kreditti merkir, at upphæddin ikki verður skuldskrivað beinanvegin, men kann verða skuldskrivað upp til 42 dagar eftir nýtsluna og hesir 42 dagarnir eru rentufríir.  Hetta merkir, at tú eitt nú hevur møguleika fyri at avrokna tíni keyp einaferð um mánaðin og tryggja tær, at bókingar á kortinum eru rættar.

Møguleiki er at bíleggja eitt familjukort til Mastercard Kredittkortini. Hetta er eitt ískoytiskort til hjúnafelaga/sambúgvandi hjá kortánara og til heimabúgvandi børn hjá kortánara eldri enn 18 ár. Familjukortið er knýtt at sama kreditti sum Mastercard kredittkortið, men tað fylgja ongar tryggingar ella ágóðar til familjukortið.

Suðuroyar Sparikassi bjóðar trý sløg av Mastercard Kredittkortum, sum hava ymisk hámørk og tú kanst lesa meira um tey niðanfyri.

Treyt: Av tí at talan er um kredittkort, skal ein kredittmeting gerast og tú mást verða fylt/-ur 18 ár fyri at fáa eitt tílíkt kort.