Tá tú gerst 18 ár

Tá ið tú verður 18 ár, ert tú vorin vaksin og mangt broytist: Tú fær koyrikort, fer undir útbúgving, flytir kanska til eitt annað land ella í egnan bústað her á klettunum. Nógvir eru tankarnir og spurningarnir um framtíðina: hvat skal eg fara og nær?  Tí hevur tað týdning, at tú tíðliga ert varug/-ur við tínar møguleikar. FOKUS tænasturnar eru beinleiðis ætlaðar tær, ið ert millum 18-29 ár.


Sum FOKUS kundi kanst tú velja millum ymsar kontur og sjálvtænastur alt eftir, um tú fert undir víðari útbúgving, vilt sleppa at síggja heimin ella vilt spara saman til eini hús.

Sama, um tú ert virkin á arbeiðsmarknaðinum ella lesandi, kann tað vera kostnaðarmikið at verða eldri enn 18 ár. Tú flytir kanska heimanifrá og hevur tørv á innbúgvi, innskoti til íbúð ella lán til sjálva útbúgvingina. Við FOKUS pakkanum ber til at fáa fíggjarligt rásarúm og søkja um FOKUS Lán ella FOKUS Kreditt.


Niðanfyri kanst tú kunna teg nærri um FOKUS.

Møguleikar við FOKUS

FOKUS Kredittur

Kanst tú skjalprógva, at tú ert undir útbúgving, kanst tú søkja um FOKUS Kreditt.

FOKUS Kredittur verður veittur við einum Mastercard kreditt korti, har játtaði kreditturin er tøkur, og kreditturin er rentufríur upp til 42 dagar. Afturgjaldstreytirnar fylgja treytunum í Mastercard kredittkortunum.

Les meira um ágóðarnar og treytirnar við Mastercard kreditt kortum her. 

Tað er ókeypis at stovna ein FOKUS Kreditt, og tú gert av saman við tínum kundaráðgeva, hvussu tú rindar kredittnýtsluna aftur.

Mastercard Silvur

Mastercard Silvur eitt debitt kort og gevur tær ta trygd, at tú í mesta lagi kanst hava eina kortnýtslu, sum samsvarar við ta upphædd, tú hevur á kontuni. Nýtsluupphæddin verður skuldskrivað beinanvegin, kortið verður nýtt. 

Nýtsluhámarkið (úttøka í sjálvtøkum og keyp) fyri 30 fylgjandi dagar er kr. 30.000. Hámarkið fyri at taka pening út í sjálvtøkum er kr. 5.000 fyri 24 fylgjandi tímar, og tú kanst keypa fyri í mesta lagi kr. 30.000 um samdøgrið í handlum, matstovum, á internetinum o.s.fr. 

Til ber at fáa Mastercard Silvur við egnari mynd. Trýst her um tú vilt hava mynd á kortið og soleiðis gera kortið persónligari.

Við Mastercard Silvur fylgja longd vørutrygging og ”event” avlýsingstrygging. Longd vørutrygging fevnir um, at endurgjaldskrav upp á t.d. sjónvarp, HI-FI og teldu verður longt við upp til 2 ár. Fyri at longda vørutryggingin skal vera galdandi, skal vøran vera keypt við kortinum, og kvittanin fyri vøruna skal vera tøk. Sí tryggingartreytirnar fyri Mastercard Silvur her.

Fá meira kunning um ágóðar og treytir við Mastercard Silvur her.
Fá meira kunning um kort her.

NemKonta

NemKonta er ein vanlig bankakonta, sum almennir stovnar í Danmark nýta til veitingar til borgarar. 

Um tú skalt fáa veiting gjøgnum danskar almennir stovnar - SU, pensjón, avlopsskatt ella aðra veiting - er neyðugt, at tú skrásetur eina av tínum kontum til eina NemKontu.

Tú kanst lættliga broyta eina av tínum vanligu kontum í Suðuroyar Sparikassa til eina NemKontu, og tú velur sjálv/-ur hvør konta skal broytast.

Tó krevst, at tú hevur fingið danskt persónsnummar (cpr.nr.), áðrenn NemKonta verður skrásett. 

Vilt tú hava NemKontu, ert tú vælkomin at seta teg í samband við okkum.

FOKUS Lán

Lánsupphæddin á einum FOKUS Láni kann í mesta lagi verða kr. 30.000.

FOKUS Lán verður veitt við lagaligari rentu. Lánið er ókeypis at stovna, men hevur eitt avgreiðslugjald á kr. 300. Renta verður tilskrivað sum fyri vanligt lán, og afturgjaldstíðin verður roknað eftir tínum fíggjarviðurskiftum. 

Suðuroyar Sparikassi vil helst, at lánið verður afturgoldið skjótast til ber, og í seinasta lagi 5 ár eftir, at tað er stovnað.

FramtíðarKonta

FramtíðarKonta er ein samansparingarkonta til útbúgving og/ella bústað. Kontan hevur góða rentu, og rentan er tann sama uttan mun til salduna á kontuni. 

Einki hámark er fyri inngjald um árið, men tó kanst tú í mesta lagi hava kr. 700.000 á eini FramtíðarKontu. 

FramtíðarKontu kanst tú stovna, meðan tú ert millum 18-29 ár, tó í seinasta lagi seks mánaðir, áðrenn tú fyllir 30 ár. 

FramtíðarKontan kann bara verða nýtt í sambandi við skjalprógvaða útbúgving og/ella bygging/keyp av egnum bústaði. Vilt tú hava samansparingina á eini FramtíðarKontu út við ongum skjalprógvi um tað, ið nevnt er omanfyri, verður vanligt dekort skuldskrivað. 

Tá ið tú ert vorðin 30 ár, verður kontan broytt til eina 12. mðr. kontu, um ikki annað er avtalað.

FOKUS Nýtslukonta
Hetta er ein vanlig konta til t.d. løn, SU ella lestrararbeiði. Til hesa kontu kanst fáa eitt Mastercard Silvur gjaldskort til. Kortið kann nýtast í Føroyum, uttanlands og á internetinum. Kortið er ókeypis og tú rindar hvørki ársgjald ella í sambandi við útgjald í egnum sjálvtøkum.
Tá ið tú ert vorðin 30 ár, verður kontan broytt til vanliga kontu, og hevur tú Mastercard Silvur kort knýtt at kontuni, verður eitt nýtt kort bílagt tær.
Fíggjarkonta

Hetta er ein vanlig konta, sum hjálpir tær at hava skil á tínum fíggjarviðurskiftum.

Mánaðarliga flytir tú eina fasta upphædd inn á FíggjarKotuna og flytir allar fastar útreiðslur av henni. Tú kanst sjálv/-ur rokna út, hvussu stórar tínar samlaðu útreiðslur eru árliga og soleiðis roknað út, hvussu nógv tú skalt flyta á FíggjarKontuna mánaðarliga fyri at hava tøkan pening á FíggjarKontuni til føstu útreiðslurnar.  

Suðuroyar Sparikassi hjálpir tær fegin við útrokningini, men tú kanst eisini lættliga og ómakaleyst gera tær eina fíggjarætlan í netbankanum (í telduni). 

Út at fjakka

Tíðin er komin at kanna, hvat heimurin hevur at bjóða

Ofta settir spurningar/OSS

Eg fylli 18 ár um nakrar mánaðar, kann eg fáa FOKUS tænastur?

Um tú hevur eina PULS nýtslukontu, verður kontan broytt til eina FOKUS nýtlsukontu, tá ið tú fyllir 18 ár. Hevur tú eitt Mastercard Young kort knýtt at kontuni, verður eitt Mastercard Silvur bílagt tær.  Hevur tú eina PULS samansparingarkontu, verður kontan broytt til eina 3. mðr. kontu, um ikki annað er avtalað, men tú ert vælkomin at broyta PULS samansparingarkontuna til eina Framtíðarkontu.

Ber til at fáa eitt VISAkort knýtt at FOKUS tænastunum?

Vend tær til tín kundaráðgeva fyri at vita, um tú kann fáa knýtt eitt Visakort at FOKUS tænastunum. 

Hvat hendir, tá ið eg fylli 30 ár?
Tá ið tú ert vorðin 30 ár, verður FOKUS nýtslukontan broytt til vanliga kontu, Framtíðarkontan verður broytt til eina 12 mðr. kontu (um ikki annað er avtalað) og hevur tú Mastercard Silvur kort knýtt at kontuni, verður eitt Mastercard Debitt Standard kort bílagt tær.