Hóast tað kann tykjast tíðliga at skula hugsa um tíni eftirlønarviðurskifti, longu tá ið tú byrjar at lesa, er hetta skilagott at gera. Tað vísir seg, at alt ov fáa gáa um hesi viðurskifti, ið tó eru sera umráðandi at geva sær far um. Tað er skilagott at byrja tíðliga at spara saman til eftirløn, tí hetta merkir snøgt sagt, at so verður upphæddin, ið tú hevur at njóta tína pensjonistatilveru við, enn størri.

Tríggjar orsøkir til at byrja tíðliga at spara saman eru:

• Vit liva longri
  • Vit liva longri og gerast eldri og tí er neyðugt, at eftirlønarsamansparingin skal røkka longri.
• Meira pening um hendi
  • Jú fyrr, tú byrjar at spara saman, jú meira pening fært tú um hendi. Í Føroyum er sum kunnugt álagt øllum millum 21 ár og fólkapensjónsaldur at spara saman til eftirløn. Men sum dømi kann nevnast, at byrjar tú at spara saman til eftirløn, tá ið tú ert 25 ár í mun til, tá ið tú ert 30, so hevur tú 60.000 kr. meira um hendi við eini mánaðarligari flyting á 1.000 kr., um tú fer frá við eftirløn, tá ið tú fyllir 70.
• Størri íløgumøguleikar
  • Eftirlønarsamansparingin kann gerast enn størri, um tú velur at seta hana í íløgur

Um tú arbeiðir í Føroyum og ert yvir 21 ár, so rindar tú eftirløn av lønini, hvørja ferð, tú fær løn. Tó er ikki kravt, at eftirløn verður rindað av upphæddum undir 3.000 kr.